586 jaar oud manuscript uit de Middeleeuwen, gedateerd vrijdages na Sunte Merthyns (Sint Maarten), duizend vierhondert nege ende dertch, 15 november 1439. Akte inzake landtransport Kerspel Aveszaet (Avezaath, Betuwe), met grotendeels aanwezige zegels van Johan Vos van Avezaet en Aernt Vos van Avezaet. Het document meet 12 x 32 centimeter en verkeert in verzamelbare staat; de foto's maken deel uit van de beschrijving. De transcriptie luidt: • Wij Ryquijn Voss van Auezait ende marie Schot wijff Ryquijns voirscr[euen] doen kondt Allen luden ende bekenne[n] mit desen opene[n] brieue voir ons ende voir onse erue • Dat wii mit goiden berade voir dachten synne ende mit onsen vrijen moitwille vercoft hebben ende op gedrage[n] Aernt van Auezait die rechte helft • scheidinge van ene[n] campe lands haldende o[m]trynt dardenhalue[n] merge[n] lands ten luttel myn off meer ter goider mate[n] gelege[n] inden kerspel van • Auezait dair boue[n] naist gelandt syn gerijt hollen erffgename[n] ende beneden gherijt van malderick streckende vander wynckel stege op erue thoe- • behuerende goissen Rutgers zoens erue[n] met egge[n] mit eynden ende mit allen thoebehuere[n] gelijck dat voirg. landt ende erue dair gelegen ende be- • pailt is doir voirg. Aernt van Auezait dat te gebruken ende erffelyck te bezitte[n] voir een vrije eyge[n] erue dijckvrije ende thijnsvrije Alsoe dat • wij lyen ende kenne[n] clairlike[n] ende alte maile dair aff onterfte syn ende geen recht vorder dair aen en hebben noch en behalden in geenrewijs noch onse • erue[n] ende dat Aernt van Auezait voirg. dair aen geerft is ende syne[n] vrijen wille dair mede doen mach sonder enich wedersegge[n] ende dat hem • vast ende stede is ende dats hem noch syne erue[n] nyem[m]er en sal noch en mach breken mit enige[n] Recht voirt meer geloue[n] wij ryquijn ende marie voirg. • als p[ri]ncipail zacwolde[n] ende Johan Voss van Auezait ende Aernt Voss van Auezait gebrueders Als goide wairburge[n] voir ons ende voir onsen erue[n] • den voirg. Aernt van Auezait ende syne[n] erue[n] dit voirg. landt ende erue the ware[n] ende the vrije[n] voir Alle die geen dies then Rechte[n] come[n] ende • staen willen jair ende dach als erffcoips recht is in Neder Betuwe ende Alle voir co[m]mer ende voir plicht aff te doen ende alle die gaen dair op doen te • verthijen die dair mit Recht sculdich syn op te verthijen in kennissen der wairheit Ende want ick marie voirg. op dese thijt zelue gene[n] zegel en • heb Zoe heb ick gebeden ende bid Ryquijn Voss myns ma[n] voirg. ende Johan Voss ende Aernt Voss gebrueders voirscr. dat sy desen brieff mede ouer • my bezegelen mit hore[n] zegelen Ende wy Ryquijn Johan ende Aernt Voss van Auezait gebrueders voirscr. hebben onse zegelen voir ons ende • mede om beden wille Joncfrouwe marie[n] voirg. tot ene[n] rechte[n] gethuge der wairheit Aen desen opene[n] brieff gehange[n] Ghegeue[n] int jair • ons he[re]n dusent vierhondert nege[n] ende dertich des vrydages nae Sunte merthyns dach inden wynter [15 november 1439 ] Achterzijde1: Transport Van de helft van 2 1/2 Mergen landt onder Aveszaet Nu bij den kanse?? Leener?? Verpacht Achterzijde2: Eenen brieff van darrdalue mergen Lants gelegen ins Kerspel van Auezaet gecofft by aernt van Auezaet Wordt aangetekend en verzekerd verzonden.